तिच्या पापण्यांची अजूनही झोपेच्या नशेतील उघडझाप बघून शेजारी तिला खेटलेल्या त्याला परत प्रेमाचं भरतं आलं, अजून रात्रीची धुंदी उतरली न्हवती तोवर हा परत बहर. त्याच्या अनावर हालचालींनी तिची साखरझोप चाळवली आणि नकळत त्याच्या मिठीत ती ओढली गेली.
धसमुसळा रांगडा तो आणि उफाड्याची ती शेजारच्या पाळण्यात गाढ झोपलेलं छोटं लेकरू. पहाटेच्या गारव्यात एकमेकांच्या शरीराची ऊब सुखावणारी तसेच चेतावणारी ऐन माघातली हि आग विझली आणि कोंबडं आरवलं, दिवसभराच्या कामाच्या याद्या डोक्यात घोळवून ती लगबगीनं उठणार तोच पाळण्यात हालचाल झाली. तीने लेकराला उचलून त्याचे ओले कपडे बाजूला केले आणि त्याचं भुकेलं तोंड आपल्या छातीला लावलं, लेकरू चुटूुचुटू पिऊ लागलं.
इतका वेळ तिला खेटलेला तो आता दुसऱ्या कुशीवर वळला, तोंडावर पांघरून घेता घेता नाष्टा तयार झाला की आवाज दे गं असं म्हणून घोरु लागला.
धसमुसळा रांगडा तो आणि उफाड्याची ती शेजारच्या पाळण्यात गाढ झोपलेलं छोटं लेकरू. पहाटेच्या गारव्यात एकमेकांच्या शरीराची ऊब सुखावणारी तसेच चेतावणारी ऐन माघातली हि आग विझली आणि कोंबडं आरवलं, दिवसभराच्या कामाच्या याद्या डोक्यात घोळवून ती लगबगीनं उठणार तोच पाळण्यात हालचाल झाली. तीने लेकराला उचलून त्याचे ओले कपडे बाजूला केले आणि त्याचं भुकेलं तोंड आपल्या छातीला लावलं, लेकरू चुटूुचुटू पिऊ लागलं.
इतका वेळ तिला खेटलेला तो आता दुसऱ्या कुशीवर वळला, तोंडावर पांघरून घेता घेता नाष्टा तयार झाला की आवाज दे गं असं म्हणून घोरु लागला.
No comments:
Post a Comment