मेघमल्हार

तुझ्या मनातलं हल्ली काही समजत नसतं
रिकामंच आहे कि दुसरं कुणी आत राहिलं

बघता बघता थंडीने काढता पाय घेतला
आणि उन्हाळ्याने तिला अलगद कवेत घेतलं

तुझ्या साठी लिहून लिहून शंभर पाने संपली
तेव्हा कुठं जरा आता तुला माझं म्हणणं पटलं

मी फलाटावर पाय ठेवला आणि गाडी सुटली
असं माझं नेहमीप्रमाणे आजही वेळापत्रक चुकलं

काही प्रश्न अनुत्तरित काहींची उत्तरं मिळाली
तरी अजूनही कागदावरचं नाही हे कोडं सुटलं

धो धो कोसळून गेलास आणि मेघमल्हार ऐकला
आता तरी म्हणशील का रे मन चिंब चिंब भिजलं