काय देशील देऊन तू देऊनी , जे माझ्याकडे नाही
राहू दे ओंजळ रिक्त ही , मला हवे ते तुझ्याकडे नाही

मला हवा झोपाळा लाकडी , जो झुलवेल नि खुलवेल मला
झुलवणे खुलवणे तुझे काम नाही, मला हवे ते तुझ्याकडे नाही

हिरवागार गालिचा पावले अनवाणी, स्पर्श मुलायम रेशमी
हि हिरवळ तुझ्या अंतरात नाही,मला हवे ते तुझ्याकडे नाही

इतका विश्वास असू दे राहू दे, झेलितो वार दगडांचे मीही
अपेक्षा दुसरी मलाही नाही, ,मला हवे ते तुझ्याकडे नाही

तुझ्या भरदार छातीशी बिलगूनी, काही हवे हवेसे बरळू दे
दुसरे अधिक काही मागणे नाही, मला हवे ते तुझ्याकडे नाही

#अर्चना