पैसा झाला मोठा

राम आणि श्याम हे दोन मित्र, ही नावं काल्पनिक आहेत बरका तर हे खूप फास्ट मित्र … दोघांमध्ये हवेलाही जागा नव्हती. दोघेही एकमेकांच्या जीवाला जीव देणारे ,आर्थिक परिस्थिती उत्तम दोघांच्याही घरी सगळे व्यवस्थित आलबेल चाललेलं. एकमेकांच्या गरजेला धावणारे मित्र हे ह्याला त्रास झाला तर त्यांना व्हावा व त्याची काही काम असेल तर ह्याने पळावे असं मस्त चाललेलं होतं दोघांच्याही घरच्या लोकांच्या ही एकमेकांच्या ओळखी होत्या दोन्ही छान फॅमिली फ्रेंड झालेले होते.  नवीन बिझनेससाठी राम जागा शोधत होता चार पाच ठिकाणी त्याने बघूनही ठेवलं होतं पण त्याला समजत नव्हतं की आता नेमकं कोणती डील फायनल करू नेमकं कळेना म्हणून त्याने शामला म्हटलं ‘चल रे जरा मदत कर मला मला या चार-पाच जागांमध्ये कोणती जागा घेऊन हे कळत नाहीये तर तू जरा मला फायनल करायला मदत कर’ झालं आता राम आणि शाम ही जोडी निघाली कामगिरीवर सगळ्या जागा दोघांनी मिळून लागोपाठ बघून घेतल्या आठ दिवस दोघे सतत फिरत होते. रामला खरंतर एक जागा जरा बरी वाटत होती पण शामचा आग्रह दुसऱ्या एका जागेबाबतीत होता. रामला काय ही नैतर ती त्यामुळे त्याने शामच्या आवडीची जागा फायनल करून टाकली. पूजाअर्चा उरकून बिझनेस सुरूही झाला, असंच जवळपास वर्ष निघून गेलं. रामचा बिझनेस मस्त सुरू होता आणि एकेदिवशी अचानक जागेचा व्यवहार करणारा एजंट त्याला रस्त्यात भेटला. अघळपघळ गप्पा मारणारा तो एजंट नकळत बोलून गेला की ह्या जागेच्या व्यवहारात शामने पन्नास टक्के कमिशन त्याच्या कडून उकळलं होतं. रामचा विश्वासच बसेना, माझा इतका जवळचा मित्र असं वागू शकतो? ह्या विचाराने राम मानसिक रित्या हताश झाला…

“माझं जे काही ते सगळं तुझंच होतं, कवचकुंडल मागितली असती तरी तुला दिली असती रे पण मला असं फसवून पैसे का घेतलेस तू?” फोनवर इतकं बोलून रामने शामशी असलेली सगळी नाती त्याक्षणी तोडून टाकली तरीही तो असं का वागला हा प्रश्न उरतोच